Alternativ və Bərpa Olunan Enerji Mənbələri üzrə Dövlət Agentliyi (ABEMDA) öz elektron xidmətlərini "Elektron Hökumət" portalına inteqrasiya edəcək

16.06.15

11 iyun tarixində Alternativ və Bərpa Olunan Enerji Mənbələri üzrə Dövlət Agentliyinin nümayəndələri və Rabitə və Yüksək Texnologiyalar Nazirliyinin Məlumat Hesablama Mərkəzinin rəhbərliyi ilə birgə görüş keçirilib. Görüşün mövzusu Nazirlər Kabinetinin 2011-ci il 24 noyabr tarixli 191 nömrəli qərarına əsasən təsdiq edilmiş elektron xidmətlər siyahısı üzrə "Alternativ və bərpa olunan enerji mənbələri üzrə fəaliyyətə xüsusi icazənin verilməsi üçün müraciətin və sənədlərin qəbulu" xidmətinin elektronlaşdırılması və portal üzərindən "bir pəncərə" prinsipinə uyğun olaraq vətəndaşlara təqdim edilməsi olub.

Hər iki qurum arasında öncə müvafiq xidmətin məqsədəuyğun təşkili üzrə müzakirələr aparıldı. Portal üzərindən təqdim olunacaq xidmətin asanlığı və səmərəliliyi, həmçinin, virtual olaraq vətəndaşlara göstəriləcək xidmətin məzmunu və keyfiyyəti danışıldı.

Daha sonra, "Alternativ və bərpa olunan enerji mənbələri üzrə fəaliyyətə xüsusi icazənin verilməsi üçün müraciətin və sənədlərin qəbulu" xidmətinin elektronlaşdırılması üçün mövcud texniki imkanlar barədə diskusiya aparıldı. Sözügedən xidmətin NK tərəfindən təsdiq olunmuş müvafiq texniki qaydalara uyğun hazırlanması üçün zəruri informasiya və portala qoşulma sxemi qurum nümayəndələrinə təqdim edildi.

Görüş çərçivəsində Məlumat Hesablama Mərkəzi bu istiqamətdə lazımi dəstəyin təmin olunacağını qeyd etdi.