"Texnologiya və biz" adlı fotomüsabiqənin bitməsinə 15 gün qaldı

4.11.14

Əgər müxtəlif rabitə vasitələri – telefon və kompüterlər gündəlik həyatınızın ayrılmaz hissəsinə çevrilibsə, internet və müasir texnologiyaların yaratdığı imkanlardan yararlanırsınızsa, innovativ həllər və elektron xidmətlərdən istifadə həyatınızı rahatlaşdırırsa, onda Siz bu fotomüsabiqənin real iştirakçısı ola bilərsiniz.

Müsabiqə iştirakçısı olmaq üçün gündəlik həyatınızda internet, yeni texnologiyalar, elektron həll və xidmətlərdən istifadə zamanı çəkilmiş maraqlı və kreativ fotolarınızı təqdim edin.

Müsabiqə üzrə istiqamətlər aşağıdakı sahələri əhatə edir:

  • İKT-nin cəmiyyətdə rolu
  • İnternetin həyatımızda rolu
  • Yüksək texnologiyalar və biz
  • "Elektron hökumət"in üstünlükləri


Müsabiqədə iştirak

1. Müsabiqədə hər kəs iştirak edə bilər.

2. Təqdim edilmiş foto mövzulardan birinə uyğun olmalıdır.

3. Təqdim olunacaq foto "jpg.file" formatında "musabiqe@mincom.gov.az" elektron ünvanına təqdim olunmalıdır. Şəkillərin ölçüsü2000х1500px-dən az olmamalıdır.

Müsabiqənin mükafat fondu:

I yer - 1000 manat
II yer - 750 manat
III yer - 500 manat

Həvəsləndirici mükafatlar

Müsabiqə barədə ətraflı məlumatı "http://www.mincom.gov.az" saytından, eləcə də RYTN-in Mətbuat xidmətindən əldə etmək olar.

Əlaqə telefonları: (012) 598-07-35